DISGWYLIR y bydd 700 o blant o Hwlffordd a thu hwnt yn gorymdeithio drwy strydoedd y dref yfory, Mawrth 1af, ar gyfer parêd i ddathlu Dydd Gŵyl Dewi.

Bydd y parêd, sy’n cael ei threfnu gan Gyngor Sir Penfro a Fforwm Iaith Sir Benfro, yn dechrau am 10yb o’r maes parcio y tu ôl i hen lyfrgell y sir ar Stryd Dew. Bydd yr arbennig Samba Doc yn arwain y parêd i lawr y Stryd Fawr, trwy Stryd y Bont ac ar draws yr Hen Bont, yn ôl trwy Stryd y Cei, ac yna’n gorffen yn Neuadd y Sir ar gyfer jamborî awyr agored dan arweiniad Sian Elin Williams.

Mae yna hefyd gystadleuaeth addurno ffenestr siop gyda thlws draig arbennig ar gyfer yr arddangosfa fuddugol.

Eleni bydd y parêd hefyd yn cynnwys baner Dydd Gŵyl Dewi Sir Benfro sydd fel arfer yn cael ei harddangos yn barhaol yn Eglwys Gadeiriol Tyddewi.

Gwahoddir y cyhoedd i wylio’r parêd gyda’u baneri a gwisgoedd Cymreig. Yn dilyn yr orymdaith, bydd lluniaeth a Chawl ar gael i’w prynu yn Haverhub.