AR NOS Iau, 06 Hydref am 7:30yh, cynhelir Noson Goffa T. Llew Jones yn
Llyfrgell y Dref Aberystwyth, Canolfan Alun R Edwards.
Y trydydd noson goffa swyddogol i gael ei drefnu gan y Llyfrgell, bydd
noson eleni yn cynnwys araith gan y siaradwr gwadd, Jon M O Jones. Teitl
y sgwrs yw ‘Bwbw o ben Foel Gilie: atgofion am gymdeithas wledig y
Cilie’. Bydd hefyd perfformiad gan Barti Camddwr.
Cyn dod yn awdur llawn amser, roedd T. Llew Jones yn athro ysgol gynradd
yng Ngheredigion am 35 o flynyddoedd, a bu farw yn 2009. Cyhoeddodd dros
50 o lyfrau ar gyfer oedolion a phlant. Cafodd rhai ohonynt eu haddasu
ar gyfer y teledu ac fe’u dangoswyd ledled y byd.
Dywedodd y Cynghorydd Catrin M S Davies, Aelod Cabinet â chyfrifoldeb
am Wasanaethau Llyfrgelloedd:”Pob blwyddyn, bydd nifer o ysgolion ar
draws y sir yn dathlu Diwrnod T. Llew Jones ar 11 Hydref, a gwelir
cenedlaethau newydd yn dod i adnabod Twm Sion Cati, Barti Ddu, trigolion
Plasywernen ac yn gweld y Tân ar y Comin yn cynnau o’u blaenau. Bydd y
noson goffa ar yr 6ed o Hydref yn gyfle gwych i drigolion Ceredigion i
gofio a dathlu cyfraniad T. Llew Jones.”
Mae’r noson Gymraeg hon am ddim, ond mae angen archebu lle. I archebu
eich lle neu am fwy o wybodaeth, cysylltwch a Llyfrgell Aberystwyth ar
01970 633717 neu e-bostiwch llyfrgell@ceredigion.gov.uk.
More Stories
Noson Bocsio Coler Wen yn codi dros £1,000 ar gyfer gwasanaethau nyrsio plant
Yn eisiau! Ffermwr brwd, galluog a chymwys, wedi ymrwymo i ffermio cynaliadwy, ar gyfer cyfle i ffermio cyfran yng Ngorllewin Cymru
Dros 1500 o ffermydd yng Nghymru yn cael cyfran o £161m